Rusların ən çox getdiyi şəhərlər: Siyahıda Bakı da var

Xaricə səyahət edən turistlər üçün ən populyar hava marşrutunun istiqamətləri müəyyənləşib.

Bu barədə “Tutu.ru” məlumat yayıb.

Məlumata görə, Moskvadan İrəvan, İstanbul, Bakı, Daşkənd və Oşa uçuşlar daha çox maraq doğurur. Xaricə uçanların təxminən beş faizi Ermənistanın paytaxtına, sərnişinlərin üç faizindən bir qədər çoxu İstanbul və Bakıya gedir.

Həmçinin səyahətçilər Antalya, Bişkek, Düşənbə, Təl-Əviv və Kişinyovla da maraqlanırlar.