KTMT sammiti ərəfəsində Astana: Üzv ölkələrin birgə toplantısı keçirilir

Qazaxıstanın paytaxtı Astana şəhərində Kollektiv Təhlükəsizlik Müqaviləsi Təşkilatının (KTMT) böyük sammiti öncəsi təşkilata üzv ölkələrin Xarici İşlər Nazirləri, Müdafiə Nazirləri və Təhlükəsizlik Şuraları Katiblərinin birgə toplantısı keçirilir.

Qazaxıstan KİV-lərinə əsaslanaraq Musavat.com xəbər verir ki, tədbirlər zamanı sülhməramlı əməliyyatlar, kadr hazırlığı və elmi araşdırmalar kimi mövzularda 30-dan çox məsələ müzakirə olunacaq.

Xatırladaq ki, bu gün Astanada KTMT-nin Kollektiv Təhlükəsizlik Şurasının iclası baş tutacaq. Sammitdə təşkilatda üzvlüyünü dondurmuş Ermənistanın istisna olmaqla, digər üzv dövlətlərin liderləri iştirak edəcək. İclas əvvəlcə məhdud, daha sonra isə geniş formatda davam edəcək.