İrəvandakı partlayışda ölənlərin sayı artdı

Ermənistanın paytaxtı İrəvandakı “Surmalu” ticarət mərkəzində baş verən partlayışdan sonra dağıntılar altından daha bir nəfərin meyiti çıxarılıb.

Bu barədə Ermənistanın Fövqəladə Hallar Nazirliyi məlumat yayıb.

Bildiriıib ki, ölənlərin sayı 8 nəfərə çatıb. Hazırda axtarış və xilasetmə işləri davam etdirilir.

Xatırladaq ki, avqustun 14-də İrəvandakı “Surmalu” ticarət mərkəzində partlayış baş verib. Partlayış nəticəsində 8 nəfər həlak olub, 61 nəfər xəsarət alıb. Bundan əlavə, 6-sı İran və 1-i Rusiya vətəndaşı olmaqla 22 nəfər itkin düşüb.