Rus qoşunları Xerson vilayətində xeyli itki verib
Bu barədə Ukrayna Silahlı Qüvvələrinin Baş Qərargahı məlumat yayıb.
“Düşmən şəxsi heyət, silah və texnika itkiləri verməkdə davam edir. Gün ərzində Donetsk vilayətində Ukrayna Silahlı Qüvvələri Mi-35M helikopterini vurublar. Zaporojyedə uğurlar var. Xerson vilayətində düşmən xeyli canlı qüvvə itirib”, – məlumatda deyilir.
Qeyd olunur ki, Ukrayna aviasiyası Xerson vilayətinin Xerson, Kaxovka və Berislav bölgələrində düşmən mövqelərinə zərbələr endirib:
“Yujnobuj istiqamətində düşmən Kulbakino, Nikolayevka, Stepnaya Dolina, Muraxovka, Novopavlovskoye, Şevçenkovo, Zarya, Partizanskoye, Aprelskoye, Novoqriqoriyevka, Kiselevka, Knyazevka, Lukorovka, Osoparov yaşayış məntəqələri ərazilərində top artilleriyasından və reaktiv yaylım atəş sistemlərindən istifadə edib”.