Sürətlə hərəkət edən maşın DYP avtomobillərini əzdi

Bakıda dəhşətli yol-nəqliyyat hadisəsi baş verib.

Zafer Tv Oxu.az-a istinadən xəbər verir ki, hadisə Hava limanı istiqamətində qeydə alınıb.

Belə ki, yüksək sürətlə hərəkətdə olan “Toyota Karolla” markalı avtomobil DYP-nin xidmət maşınına çırpılıb.

Bakı şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli qəzada ölüm hadisəsinin olmadığını bildirib:

“Qəza ötən gün axşam saatlarında Buzovna yolu istiqamətində qeydə alınıb. Arxadan gələn “Toyota Corolla” markalı avtomobil, DYP-nin xidmət avtomobilinə çırpılıb. Ölüm və xəsarət yoxdur. Maddi ziyan var. Araşdırma aparılır”.